Fita daga hayyaci

Kundin bayanan lafiya na Healthwiki > Sabon littafin A inda babu likita > Taimakon farko > Fita daga hayyaci

A wanna kashin:

 

A wanna kashin:

Abubuwan da sukafi jawo fita daga hayyaci sune:

• jijjiaga
• buguwar kai
• bugun zuciya
• mutuwar barin jiki
• cin guba
• karacin siga a cikin jini
• suma
• bugun zafi
• shan giya ko kwaya ko magani dayawa

Idan mutum ya fita daga hayyacinsa kuma baka san dalili ba, to a duba wadannan abubuwan nan take:

1. Shin yana yin numfashi da kyau? Idan ba haka ba, a karkatar da kansa baya a sannan a jawo mukamikinsa da harshensa gaba. Idan wani abu ya makali a makogwaronsa sai a fitar da shi. Idan haryanzu baya numfashi to ayi masa busar numfashin cito nan take.
2. Shin yana zubar da jini dayawa? Idan haka ne, ayi kokarin tsayarda jinin.
3. Shin yana cikin halin jijjiga ne (wato fatarsa a dashe, kuma zuciyarsa tana bugawa bada karfi ba amma da-sauri-da-sauri)? Idan haka ne, a kwantarda shi a daga kafafunsa su zamo a tudu sama da kansa kuma a sassauta matsiwar kayan dake jikinsa.
4. Shin ko bugun zafi ne (wato ya zamo fata ta kasanci babu gumi, amma ta kasance me zafi kuma tayi ja) idan haka ne, a saka shi a cikin inuwa, a daga kansa ya kasance a sama da kafafunsa, kuma a sanyaya masa jiki da jikakken tsumma (ayi amfani da ruwan kankara idan da hali) kuma ayi masa fifita.

Yadda ake kwantar da wanda baya cikin hayyacinsa:

fata ta dashe sosai alamar: (jijjiga, suma da sauransu)	fata tayi ja kuma bata canja ba alamar: (a bugun zafi, mutuwar barin jiki, matsalar zafi,rauni a ka)

Idan wanda ya fita daga hayyacin nasa yana da rauni a wuya ko gadun baya:

Yafi kyau kada a motsa shi har sai ya dawo cikin hayyacinsa. Kuma idan ana da bukatar a motsa shi, to a motsa shi a cikin matukar kulawa,domin idan wuyansa ko kuma kashin bayansa a karye yake, duk wani kokari na canja masa wuri zai iya haifarda karuwar matsalar da yake ciki. A duba raunuka ko karaya, amma a motsa mutumin a hankali gwargwadon iyawa. Kada a lankwasa bayansa ko wuyansa.

Kada a sake a bawa wanda baya cikin hayyacinsa wani abu ta baka.

This page was updated:05 Jan 2024