Magungunan hana damuwa

Kundin bayanan lafiya na Healthwiki > Sabon littafin A inda babu likita > Taimakon farko > Magungunan hana damuwa

Taimakon farko

 

Taimakon farko

• Antibiotics
• Magungunan kariyar cutar tetanus
• Magungunan cizon dabbobi
• Magungunan ƙuna
• Magungunan alaji ko ƙaiƙayi: antihistamines
• Magungunan ciwon zuciya
• Magungunan guba
• Magungunan radadi (ko zogi)
• Magungunan kashe wuri
• Magungunan hana damuwa

Diazepam

---

Za a iya amfani da diazepam domin sakar da tsoka dakuma hana jin zafi. Za kuma ana iya amfani da shi domin tsayarda fyarfyaɗiya ta farar ɗaya. Domin mutane masu fyarfyaɗiya mai gudana, yi amfani da wani maganin daban, wanda za a iya sha a kullum.

Illolin (sa)
Jin bacci

A lura

• Yawan diazepam zai iya rage numfashi ko kuma ma ya tsayarda shi. Kada a bada adadin sama da sau biyu kuma kada a bada sama da mg 30 a rana daya.
• Diazepam ƙwayar magani ce mai kama mutum. Dan haka, a guji amfani da ita na tsahon lokaci ko kuma akai-akai
• Kada asha lokacin da ake da juna biyu ko kuma sanda ake shayarwa sai dai idan da akwai matsanciyar pre-eclampsia ko fyarfyeɗiya.
• Kada ayi allurar diazepam a cikin tsoka ko jijiyar jini har sai idan ka iya ko kuma an koya maka. Yana da wahala ayi allurar ta lami-lafiya. Maimakon haka, a lokacin fitar hankali sai a saka ta ta cikin dubura (duba kasa).

Yadda ake amfani (da shi)
Domin sakin tsokokin jiki dakuma tausasa mutum

Bada ƙwayoyin maganin daizepam ta baka minti 45 kafin wani aiki mai zafi kamar gyaran karaya. Bada mg 0.2 zuwa 0.3 ga duk kg 1 na nauyi. Idan baza a iya auna mutum ba, a bayar ta la’akari da shekaru:
Ƙasa da shekara 5: bada mg 1.
Sama da shekaru 5: bada mg 2.

Domin fyerfyaɗiya

Yi amfani da ruwan domin yin allurar, ko kuma a nika ƙwaya 1 a cuɗanya da ruwa. Cire allurar jikin sirinjin, sannan ka zuƙo maganin sannan ka saka a cikin duburar. Ko kuma ayi amfani da kwabin diazepam wanda akayi domin amfani a dubura. A kwantar da mutumin ta gifinsa sannan ayi amfani da sirinjin allura domin saka maganin cikin takashinsa. Sannan a matse duwaiwakansa tsahon mintina 10 domin maganin ya zauna a ciki.
Ƙasa da shekaru 7: bada mg 0.2 ga duk kg 1 na nauyi, sau ɗaya.
Shekaru 7 zuwa 12: bada mg 3 zuwa 5, sau ɗaya.
Sama da shekaru 12: bada mg 5 zuwa 10, sau ɗaya.

Idan ba’a shawo kan fyerfyeɗiyar ba har bayan mintina 15 da bada maganin, to a maimaita adadin. Kada a maimaita sama da sau ɗaya.

Lorazepam

---

Lorazepam kusan dai-dai yake da diazepam. Za a iya amfani da shi wurin sakar da tsokokin jiki dakuma nutsar da mutum. Kuma za a iya amfani da shi wurin tsayar da fyerfyeɗiyar farar ɗaya. Ga mutane masu fyerfyeɗiya mai gudana (epilepsy), a yi amfani da wani maganin daban, wanda za a iya sha kowacce rana.

Illolin (sa)
Jin bacci.

A lura

• Yawan lorazepam zai iya rage numfashi ko kuma ma ya tsayarda shi.
• Lorazepam ƙwayar magani ce mai kama mutum. Dan haka, a guji amfani da ita na tsahon lokaci ko kuma akai-akai.
• Kada asha lokacin da ake da juna biyu ko kuma sanda ake shayarwa sai dai idan da akwai matsanciyar pre-eclampsia ko fyarfyeɗiya.
• Kada ayi allurar lorazepam a cikin tsoka ko jijiyar jini har sai idan ka iya ko kuma an koya maka. Yana da wahala ayi allurar ta lami-lafiya. Maimakon haka, a lokacin fitar hankali sai a saka ta ta cikin dubura (duba sama).

Yadda ake amfani (da shi)
Domin sakin tsokokin jiki dakuma tausasa mutum

Bada ƙwayoyin maganin lorazepam ta baka minti 45 kafin wani aiki mai zafi kamar gyaran karaya.
Wata 1 zuwa shekaru 12: bada mg 0. 05 ga duk kg 1 na nauyi, sau ɗaya.
Sama da shekaru 12: bada mg 1 zuwa 2, sau ɗaya.

This page was updated:05 Jan 2024