Hesperian Health Guides
Tetanus (sarƙewar muƙamiƙi)
Tetanus cuta ce mai matuƙar hatsari wadda take shiga cikin rauni ko cibiyar (jarirai sabuwar haihuwa), daga nan sai ta yaɗu zuwa duk sauran jiki.
 |
| Alamomin cutar tetanus suna iya farawa bayan kwana ɗaya ko kuma sati da jin ciwo. |
Kanun bayannai
Alamomi
- Gumi.
- Bugun zuciya da-sauri-da-sauri.
- Diddinƙulewar tsokar (jiki).
- A lokacin ɗinkulewar, numfashi zai iya tsayawa.
- Dinƙulewa mai ƙarfi ta tsokar jiki wadda ke faruwa sannan ta lafa.
- Sarƙewar muƙamiƙi (wadda ke sa baki yaƙi buɗuwa cikin sauƙi.)
- Sanƙarewar wuya dakuma sanƙarewar ruwan ciki.
A nemi taimakon likita cikin gaggawa idan an ga waɗannan alamomin!
Kare kai ko Riga kafi
Cutar tetanus tafi sauƙin yin rigakafi akan yi mata magani. Allurar rigakafi dakuma kyakkyawan tsaftace rauni su ne mafi kyawun kariya daga gareta. Domin tsara yin rigakafin, duba Riga kafi (ana kan aikin).
Irin raunukan da ka iya kamuwa da tetanus
- Raunukan huda ko suka.
- Raunukan harbin bindiga.
- Karyewar ƙashi, idan ƙashin ya fito
ta cikin fata (buɗaɗɗiyar karaya).
- Muguwar ƙonuwa ko raunin ƙanƙara.
- Zubar da ciki mai hatsari dakuma yin allura ko huda da allura wadda aka yi amfani da ita, kuma ba a kashe ƙwoyoyin cutar dake jiki ba, za su iya kawo kamuwa da cutar tetanus.
 |
 Karɓa ta ce. |
 |
 |
A tsaftace waɗannan raunukan sosai sannan a bada antitetanus immunoglobulin idan alluran rigakafin tetanus tsofaffi ne.
Kuma a bada metronidazole.
Cutar tetanus ta sababbin haihuwa
Sababbin haihuwa suna kamuwa da cutar tetanus ta cibiya. Za’a iya kare jarirai ta hanyar yanke cibiyar da tafasashshiyar wuka, ta hanyar tsaftaci cibiyar dakuma yin allurar riga kafi ga uwa mai ciki. Duba Riga kafi (ana kan aikin sa).